Ministerio di Enseñansa, Siensia, Kultura & Deporte

Kiko ta Kondekorashon Krus di Mérito?

Krus di Mérito Kòrsou ta un kondekorashon instituí pa Gobièrnu di Kòrsou, pa duna rekonosimentu na personanan ku a desplegá aktividatnan meritorio, den un forma partikular, pa komunidat di Kòrsou.

Ken por presentá un kandidato?

Tur suidadano adulto, ku nashonalidat hulandes i establesé na Kòrsou òf organisashon establesé na Kòrsou por presentá kandidato pa bira nominado i asina entrega e petishon.

Kriterionan pa kandidato pa risibí Kondekorashon Krus di Mérito:

• E kandidato mester biba na Kòrsou;
• E kandidato mester ta riba 50 aña di edat;
• E mester ta di un komportashon ehemplar;
• Aparte di su trabou, el a okupá su mes ku aktividatnan ehemplar i na bienestar di nos komunidat, durante di un periodo di mínimo 5 aña;
• Mester tin prueba di e efektonan di e aktividatnan den nos komunidat.

Komishon di Kondekorashon

Komishon di Kondekorashon Krus di Mérito ta konsistí di 9 persona, ku ta asesorá Kolegio Ehekutivo den e tareanan pa selektá e kandidatonan pa nominashon. E komishon ta hasi esaki basá riba e kriterionan stipulá.

Mas Informashon?

Pa mas informashon di Krus di Mérito chèk nos página di Kondekorashon Krus di Mérito kaminda bo por postulá bo kandidato online .

Tambe por tuma kontakto ku Sektor di Kultura i Deporte via koreo-elektróniko krusdimerito@owcs.gov.cw òf na telefòn: 529 – 7369 entre 8 ‘or di mainta pa 5 ‘or atardi.

Krus di Mérito Kòrsou, ta e manera ku Kòrsou ta rekonosé dignamente su baluartenan, durante di nan bida!