Inspekshon di Enseñansa por otorgá deklarashonnan pa komprobá ku un persona a optené un diploma konforme Landsbesluit eindexamens v.w.o., h.a.v.o. en v.s.b.o. artíkulo 45 insiso 2. E deklarashonnan por eskrito aki tin mesun balor ku e dokumentonan original.
Paga tinu!
Inspekshon di Enseñansa no ta disponé di duplikado di diploma. Inspekshon di Enseñansa por otorgá solamente un deklarashon por eskrito di diplomanan di kua e datonan ta disponibel.
Bo ta deseá di hasi petishon pa un deklarashon por eskrito di un diploma? Pasa personalmente serka nos na Inspekshon di Enseñansa ku un identifikashon válido i e datonan di bo diploma (nòmber di instituto edukashonal, nivel di formashon i aña ku bo a haña e diploma).
