Business Boost - Informashon tokante Gobièrnu di Kòrsou Bo opinion

Ministerio di Desaroyo Ekonómiko

Business Boost

 

Ministerio di Desaroyo Ekonómiko a lansa Business Boost pa promé biaha den 2014. Ehekushon di e programa ta kai bou di responsabilidat di Curaçao Development Institute (CDI). E Ministerio ta pone, pa medio di e inisiativa aki, fondonan disponibel pa permití negoshinan chikí i mediano ku a kaba di lanta òf eksistente risibí coaching i treinen i invertí den aparatonan modèrno, pa asina mehorá nan kompetitividat.

 

E programa ta diseñá pa yuda krea negoshinan chikí i mediano resistente na Kòrsou. Ta trata akinan di negoshinan ku e mentalidat korekto pa mehorá i inová riba un base kontinuo. No solamente e partisipantenan ta benefisiá. Pa Kòrsou su ekonomia tambe tin un benefisio ya ku e programa ta kontribuí na kresementu di nos ekonomia lokal pa medio di mas eksportashon, ménos importashon i kreashon di kupo di trabou.