Connecting the Dots ta un plataforma di kooperashon enfoká riba stimulashon di Kòrsou su Ekonomia. Nan ke logra esaki dor di stimulá i sostené un manera inovativo pa hasi negoshi. Diferente partner públiko i privá ta trahando huntu kaba den e plataforma i otro organisashonnan tambe por mèldu pa asosiá nan mes.
E plataforma di Connecting the Dots ta enfoká riba:
A lanta Connecting the Dots na yanüari 2016 na momentu ku e partnernan a organisá un seminario. E promé seminario a tuma lugá na mart 2016 na Banko Sentral di Kòrsou i Sint Maarten; e tabata un éksito rotundo.
Dor di e éksito aki e partnernan a disidí pa kontinuá ku e plataforma di kooperashon. Na òktober 2016 nan a organisá e di dos konferensia, kaminda e forma di kooperashon a keda anunsiá bou di e nòmber Connecting the Dots.
Plan di akshon
Pa por aportá di forma duradero na desaroyo di Kòrsou su ekonomia Connecting the Dots a prepará un plan di akshon i un agènda pa e próksimo 3 añanan. E plan di akshon i agènda ta basá riba evaluashon di e konferensianan organisá, konklushon di diskushonnan den pènel, workshop i spich, konosementu i eksperensia di partnernan partisipante.