Ekonomia ta den nos Mes Man - Informashon tokante Gobièrnu di Kòrsou Bo opinion

Ministerio di Desaroyo Ekonómiko

Ekonomia ta den nos Mes Man

Ministerio di Desaroyo Ekonómiko kier inspirá nos komunidat pa lanta nos propio negoshinan chikí i mediano i di e forma aki kontribuí na kombatishon di pobresa, baha desempleo (bou di hóbennan), i duna un impulso na ekonomia. Ta spera ku e petishon pa produkto i servisionan lokal lo bai oumentá a korto plaso, entre otro dor di un oumento den bishita turístiko dor di konstrukshon di e segundo megapir.

Ku e proyekto di ‘Ekonomia den nos mes man’ ta e intenshon pa drenta barionan di Kòrsòu i asina motivá i inspirá nos komunidat pa habri nos propio negoshinan. E komersiante ku partisipá lo risibi konseho i sostén pa medio di kombersashonnan den gruponan di interes, workshopnan i seshonnan individual. Lo hasi uso di metodonan konfiabel i lo trata e deseonan, espektativanan i e retonan ku e komersiante ta konfrontá.

Aparte di esaki ta eksistí e posibilidat pa identifiká aktividatnan nobo i huntu ku e komersiante duna kontenido na esaki. E proyekto a inisiá den un fase piloto dia 27 di Aprel di aña 2017 den bario di Otrabanda.