Balorisashon di Diploma - Informashon tokante Gobièrnu di Kòrsou Bo opinion

Ministerio di Enseñansa, Siensia, Kultura & Deporte

Balorisashon di Diploma

Balorashon di Diploma

Ta hasi entrega di un petishon skirbí pa balorashon di un diploma na sekretariado di SPE/’ETE’, na number di e hefe di servisio, mènedjer general, na Schouwburgweg 24-26. SPE/’ETE’ ta atendé e petishon solamente momento ku a kumpli ku e siguiente eksigensianan:

1.    E petishon mester komprobá ki meta e balorashon di diploma tin, manera:

  • pa determinashon di e nivel mas haltu atkerí ku esun ku ta hasi e petishon tin pa por sigui un siguiente estudio mas haltu;
  • pa determinashon di e nivel mas haltu atkerí ku esun ku ta hasi e petishon na benefisio di un solisitut di trabou;
  • pa determinashon di e nivel mas haltu atkerí ku esun ku ta hasi e petishon tin na benefisio di areglo di salario korekto den seno di gobièrnu;
  • pa determinashon di e nivel mas haltu atkerí ku esun ku ta hasi e petishon tin pa por determiná kompetensia di duna lès, etc.

2.    Den e petishon mester tin nòmber, adrès, e-mail i telefòn di esun ku ta hasi e petishon, di manera ku por tuma kontakto ku e persona si surgi ku esaki ta nesesario.

3.    Gastunan mará na e petishon ta 75,00 ANG [florin] konforme e Dekreto Gubernamental di 30 yan. 1987, no. 2, no. 506/JAZ. Mester hasi pago delantá na Banko ‘Maduro & Curiel’s Bank’ riba number di kuenta 31968306 di Gobièrnu di Kòrsou [medionan general] na nòmber di Ministerio di ESKD, tratando di ‘balorashon di diploma’.

4.a. Akaso esun ku a hasi petishon ta hasi entrega personal di su petishon, e persona ku ta hasi petishon mester entregá:

  1. Diploma(nan) original i lista(nan) di punto;
  2. Prueba di identidat manera passport, reibewis, karchi di identidat [sédula]
  3. Prueba di pago.

E kolaboradó di atministrashon di ETE ta hasi un kopia di e dokumentonan menshoná bou di 1 i 2 pa por hasi nan un kopia sertifiká [‘certified copy’]/ òf

4 b. Akaso esun ku ta hasi e petishon no ta hasi entrega personalmente:

  1. Kopia sertifiká pa un notario di diploma[nan] i lista[nan] di punto;
  2. Kopia sertifiká pa un notario di prueba di identidat manera pásport, reibeweis, karchi di identidat [sédula[;
  3. Prueba di pago.

En prinsipio ta atendé e petishon denter di 6 siman despues di e fecha di entrega [korekto]. Akaso mester buska informashon adishonal òf konseho na otro entidatnan, e tempu pa atendementu en prinsipio ta 8 siman.
Pa mas informashon por dirigí bo na sekretariado di ETE, Schouwburgweg 26, na number di telefòn 434 3766.