Curacaos Avond Lyceum (CAL) - Informashon tokante Gobièrnu di Kòrsou Bo opinion

Ministerio di Enseñansa, Siensia, Kultura & Deporte

Curacaos Avond Lyceum (CAL)

General:
‘Curacaos Avond Lyceum’(CAL) ta un skol di Servisio pa Skolnan Públiko (Dienst Openbare Scholen, DOS) ku ta duna sertifikadonan òf un diploma pa vsbo-tkl òf havo. Pues bo tin e oportunidat pa sigui un skol kompletu óf solamente algun materia. Si bo optené tur sertifikado bo ta haña un diploma. Pa sifranan final optené anterior bo ta haña dispensashon.

Vishon:

E skol unda ta ofresé alumnonan un oportunidat pa sigui desaroyá nan mes.

Mishon

Duna konosementu i siña abilidat, desaroyá e aktitut korekto serka studiantenan pa nan optené nan diploma pa di tal manera nan por desaroyá na mes i kontribuí positivamente na nos komunidat.
Skolnan:

Durante skol di anochi nos ta duna mesun lèsnan ku den dia. Nos ta traha ku un orario di lès permanente, nos tin simannan di prufwèrk-/SE, nos ta traha ku un PTA i bo ta haña mesun diploma. Pues un diploma di skol di dia no ta diferente for di un diploma di skol di anochi. Den skol di anochi bo tin ménos ora pues mas outo-estudio ta nesesario. ‘Curacaos Avondlyceum (CAL)’ tin e siguiente tipo di edukashon:
*). Bovenbouw vsbo-tkl i bovenbouw havo;
*). Bovenbouw havo ta konsistí di 3 klas (H4-1, H4-2 i H5);
*). Bovenbouw vsbo ta konsistí di 3 klas (V3-1, V3-2 i V4).

Adrès:

CAL ta situá den edifisio di Kolegio Alejandro Paula (KAP), Schottegatweg Noord 105, Willemstad, Telefòn: 7371274/7371294.

Pa mas informashon, eksigensianan di atmishon i inskripshon bo por bishitá www.avondlyceum.com .