Openbaar Secundair Beroepsonderwijs (OSBOD) - Informashon tokante Gobièrnu di Kòrsou Bo opinion

Ministerio di Enseñansa, Siensia, Kultura & Deporte

Openbaar Secundair Beroepsonderwijs (OSBOD)

General:
‘Openbaar Secundair Beroeps Onderwijs Deeltijdopleidingen, OSBOD (anterior ‘Eilandelijke Avond’ i MDGO) ta un instituto di edukashon ku ta duna edukashon pa adulto den anochi. OSBOD ta ofresé diferente enseñansa profeshonal riba kuater nivel. Tur estudio ta finalisá ku un diploma rekonosé. Nos estudionan ta dividí den sektor Téknika, Ekonomia, Horeca & Kuido i Bienestar.

Vishon:

Meta di OSBOD ta ofresé edukashon adulto na su partisipantenan, ku e ambishon pa alkansá un diploma balorá haltu den merkado. Pa e motibu ei e konekshon ku edukashon di kontinuashon no tin límite. E skol ta funshoná a base di e nesesidat di su klientenan i e komunidat di moda ku por entregá siudadanonan kapabel, ku por kontribuí balioso na e tráfiko sosial paden i pafó di e komunidat di Kòrsou.

Mishon:

E derechi di eksistensia i OSBOD ta basá riba lo siguiente:
*). Atraé otro siudadanonan ku ke sigui desaroyá nan mes riba nivel SBO via estudio durante di anochi;
*). Dosentenan motivá i kalifiká ta ofresé diferente direkshon di SBO;
*). Ofresé e partisipantenan e materia pa siña eksihí ku ta kontené e konosementu, kompetensia i kriterio nesesario pa e partisipantenan por ehekutá nan profeshon eksitoso.
*). Krea situashon den práktika pa kual motibu e partisipantenan por apliká e parti teorétiko den práktika;
*). Entregá dosentenan kalifiká riba nivel di SBO na e merkado laboral. E dosentenan tin formashon kognitivo, e profil di profeshon i e aktitut profeshonal korekto i nan por atendé ku retonan nobo.

Estudionan:

Pa e aña eskolar 2019-2020 nobo ‘Openbaar Secundair Beroeps Onderwijs’ ta kuminsá ku e siguiente estudionan:

  1. Sektor Téknika: ‘Werktuigbouwkunde/Industriële techniek i Elektrotechniek;
  2. Sektor ekonomia: ICT;
  3. Sektor Horeca: Pan i Bankete i Asistente di Horeca;
  4. Sektor Kuido & Bienestar: Sociaal Pedagogisch Werker, Sociaal Juridisch Medewerker en Helpende Welzijn.

Eksigensianan pa Atmishon:

  • Nivel 1: Mínimo klas 6 edukashon básiko;
  • Nivel 2: VSBO-PBL, BVO-A SBO nivel 1 òf diplomanan ekivalente;
  • Nivel 3: VSBO-PKL, BVO-B, SBO nivel 2, LTS-A strom òf diplomanan ekivalente;
  • Nivel 4: VSBO-TKL, BVO-D, SBO nivel 3 LTS-T strom òf diplomanan ekivalente.

Nos ta traha ku dosentenan entusiasmá i motivá, ku ta dispuesto pa guia partisipantenan na nos estudionan den optené nan diploma.

Pa mas informashon i inskripshon por bishitá www.osbod.org