Ministerio di Desaroyo Sosial, Labor i Bienestar ta tuma e timon pa, huntu ku tur siudadano, kompanianan i institutonan, stimulá desaroyo sosial i bienestar di habitantenan di pais Kòrsou, rumbo pa un ambiente duradero, saludabel, amoroso, sigur, konstruktivo, habitabel, ku estímulo i trabou, estudio i bida bou di kondishonnan emansipá. Famia i Hubentut, Labor i Desaroyo Sosial tin un lugá sentral den esaki.
Ministerio ta boga pa e siguiente metanan:
stimulá partisipashon, koheshon sosial i un kultura di mediashon den bario i distritonan
empoderashon di habitantenan di Kòrsou mediante apoderashon di akseso na netwerknan
stimulá desaroyo saludabel di mucha, reforsá funshon di famia
brinda kuido integral na famianan, hubentut i gruponan vulnerabel den nos sosiedat
protekshon di derechonan di famia i hubentut i gruponan vulnerabel den nos sosiedat. Bou di esaki ta kai deklarashonnan universal di derecho humano, Karta magno di Nashonnan Uni pa protekshon i estímulo di derechonan humano di personanan di edat avansá, Deklarashon di Derechonan di personanan ku desabilidat, Tratado di derechonan ekonómiko, sosial i kultural i tratado di derechonan di mucha
stimulá akseso na merkado laboral, bon relashonnan laboral, un seguridat sosial balansá i hustisia sosial
Kuida interes di pais Kòrsou riba terenonan di maneho di desaroyo sosial, famia i hubentut i di labor den lasonan di reino, regional i internashonal, bou di kuá mantenshon di lasonan ku, entre otro, e organisashon internashonal di labor (ILO), órganonan pa e tratado di derechonan di mucha i muhénan (CEDAW) i ku esei ta pertenesé raportahe i supervishon riba kumplimentu ku obligashonnan den tratadonan internashonal.